उष्ण प्रदेशीय बागवानी केन्द्रको वेभसाइटमा यहाँलाई हार्दिक स्वागत छ।

प्रदेश नम्बर २ अन्तर्गत पर्ने सर्लाही जिल्लामा रहेको हाल लालबन्दि नगरपालिका-०१ (पहिले नेत्रगञ्ज गा.वि.स.वार्ड नं.-६, नवलपुर) मा अवस्थित यस उष्ण प्रदेशिय बागवानी केन्द्र, नवलपुरको वि.सं. २०२९ साल आषाढ १२ गते बृहत बागवानी केन्द्रको नाममा उष्ण तथा न्यानो सम-शितोष्ण फलफूल, तरकारी तथा आलङ्कारिक बोटहरुको उच्च गुणस्तरीय बीउ एवं बिरुवाको उत्पादन गरी आपुर्ति गर्ने र सो बालीहरुको उपयुक्त जात र खेती प्रविधिको खोजी एवं विकास गरी कृषक समक्ष पुऱ्याई उनीहरुको जीवनस्तर माथी उकास्ने मुख्य उद्देश्यका साथ स्थापना भएको हो । कृषि निकायको समयानुकुल संगठनात्मक संरचना हेरफेर एंव परिवर्तन हुँदै २०५२ साल श्रावण देखि यस केन्द्रको नाम “उष्ण प्रदेशीय बागवानी” केन्द्र रहन गएको हो ।